Xestión áxil e centralizada da documentación de residuos: o caso de Rentokil e Teixo

Rentokil Initial España, líder en servizos de hixiene, control de pragas e deseño de espazos interiores, confiou na empresa española TEIMAS para axilizar a xestión documental necesaria para os traslados de residuos.

Rentokil, que forma parte da maior organización mundial do sector, Rentokil Initial PLC, necesitaba axilizar a xeración e tramitación da documentación legal externa da súa xestión de residuos en España; sobre todo, tras sumar á súa división médica á empresa Cannon Hygiene.

Un desafío que Rentokil resolveu implantando o software Teixo, de TEIMAS. Esta solución tecnolóxica versátil permite á compañía conectarse ás plataformas das diferentes comunidades autónomas de maneira sinxela e rápida, o que axiliza e facilita a súa operativa de recollida, traslado e xestión de residuos. Para sacar a máxima utilidade de Teixo, Rentokil contou co apoio do equipo técnico de TEIMAS, que implantou o software e adaptouno ás particularidades e necesidades do grupo. Como parte deste proceso de implantación o persoal de Rentokil recibiu sesións formativas para potenciar o máximo uso da plataforma.

Beneficios e melloras.

Tras a implementación de Teixo, Rentokil mellorou a súa operativa de xestión documental de residuos ao poder xerar documentos baixo diferentes figuras e con diversas autorizacións, empregando os datos esixidos pola actual normativa de traslado de residuos. Ademais, foi capaz de incrementar a calidade da información que ofrecen aos seus clientes mediante a creación de diversos informes e certificados.

Agora a compañía tamén pode elaborar memorias de residuos de forma máis rápida, compartir documentación con terceiros (a través de enlaces url) e tramitar, de maneira automática e desde un único lugar, toda a documentación dos residuos coas plataformas ambientais das comunidades autónomas e do Ministerio para a Transición Ecolóxica, o e-SIR. 

Ademais, no seu día a día, Rentokil pode xerar, a través de Teixo, informes de recollidas de residuos, de saídas de residuos de cada unha das súas plantas, ademais de certificados e un arquivo cronolóxico.

Marta Hernández, Quality Assurance Manager Hygiene & Medical de Rentokil sinala “a importancia de implementar un software especializado, como Teixo, para unha xestión áxil e centralizada da documentación de residuos”. E destaca o seu bo servizo de soporte ao cliente, algo que “é tan importante como a propia ferramenta. No caso de Teixo, a resolución de incidencias é áxil e buscan solucións que se adaptan á nosa forma de traballar”.

Desde TEIMAS explican que Teixo é unha ferramenta sinxela e eficaz, coa que as empresas poden planificar roteiros, xerar documentación legal e xestionar traslados de residuos. “Neste caso concreto, as actualizacións e o servizo de atención ao cliente de Teixo, foron fundamentais para que Rentokil se adaptase aos constantes cambios e peculiaridades rexionais. Ademais, a capacidade de filtrar a información por matrícula permitiulles mellorar a súa organización e gañar eficiencia”, apuntan desde TEIMAS. De cara ao futuro, Rentokil valora implementar tamén a aplicación móbil para axilizar o traballo dos seus técnicos e mellorar a calidade da información en tempo real, integrando Teixo como parte imprescindible dos seus procesos tecnolóxicos.