TEIMAS presenta a nova arquitectura de marca dos seus produtos

Renovamos a arquitectura de marca de todos os nosos produtos con dous obxectivos: acompañar a constante evolución de TEIMAS e reforzar a comunicación cos diversos actores da cadea de valor do residuo.

En TEIMAS mantemos o noso propósito de sempre, baseado en crear tecnoloxía que beneficia ao medioambiente, axudar ao progreso da sociedade e protexe a saúde das persoas. Con este obxectivo en mente, hoxe en día contamos con solucións dixitais que simplifican o control dos residuos, facilitan o cumprimento normativo e impulsan negocios sostibles en grandes corporacións e en empresas xestoras de residuos.

Toda esta liña de produtos dixitais conta desde hoxe cunhaarquitectura de marca que reforza a conexión entre cada un deles, pero tamén coa nosa marca corporativa TEIMAS de tres maneiras:

• Mantemos a representación gráfica de TEIMAS e o vermello como cor distintiva da nosa imaxe gráfica
• Substituímos, respectivamente, o verde e azul dos nosos produtos polo gris escuro (cor complementaria corporativa), co obxectivo de crear unha maior coherencia visual coa marca corporativa.
• Facilitamos a escritura do noso produto Zero abandonando a grafía ZERØ.

Esta renovación reflicte a nosa evolución constante, impulsada en 2019 co lanzamento do software Zero e seguida, en 2020, co cambio a novas instalacións, un forte aumento do persoal e acrecente colaboración con grandes corporacións con presenza internacional.

O cambio de identidade visual verase reflectido no sitio web de TEIMAS, así como nas presentacións da empresa e nas nosas solucións software.

Desde o equipo de TEIMAS, formado hoxe en día por 40 profesionais, damos a benvida a esta renovación de imaxe coa ilusión de potenciar a nosa comunicación con todos os actores da cadea de valor do residuo.

Para obter máis información sobre a nosa marca en evolución, contacta acomunicacion@teimas.com.