As empresas galegas no escenario internacional: a análise de ARDÁN 2023

A Universidade de Vigo e o Consorcio da Zona Franca de Vigo realizaron unha análise exhaustiva da internacionalización das empresas galegas no Informe Económico e de Competitividade ARDÁN 2023. Este informe, que abarca máis de 35.900 empresas galegas, ofrece unha visión detallada para mellorar o competitividade global da rexión.

O estudo avalía e puntua aspectos estratéxicos, experiencia internacional, compromiso de recursos e resultados obtidos polas empresas, mostrando como un dos aspectos máis salientables a existencia de empresas que dende a súa fundación adoptaron estratexias de alto compromiso, desafiando o enfoque tradicional da internacionalización gradual. ("empresas nacidas globais").

Ademais, tamén se observa a aparición de “micromultinacionais”, empresas que presentan un comportamento multinacional e buscan interiorizar valiosos recursos dos mercados exteriores. Esta diversidade de enfoques estratéxicos engade complexidade ao panorama empresarial da rexión.

A análise realizada non se limita só ao ámbito empresarial, senón que se amplía para examinar o contexto económico e comercial de Galicia. Preséntanse indicadores clave relacionados co comercio internacional, como as exportacións, as importacións e os fluxos de investimento directo. A pesar das balanzas comerciais positivas, destaca a importancia de adaptarse á dinámica cambiante do comercio internacional.

Algúns aspectos destacados do informe:

• En canto á porcentaxe de destino das vendas internacionais, o 66,3% das vendas ao estranxeiro ten como destino a UE-27, seguida dos países europeos non comunitarios (7,1%), América do Sur (5,9%) e EEUU con Canadá. (4,9%)
• Do total de 226 empresas que declararon ter actividade internacional, só o 12,7% manifestou ter recibido axudas públicas para un proxecto de internacionalización.
• De media, 7,3 traballadores están destinados a tarefas relacionadas coa internacionalización.

A competitividade global de TEIMAS no informe ARDÁN 2023

Segundo este estudo, a traxectoria das empresas galegas cara á competitividade global é dinámica e complexa, cun proceso de internacionalización que implica estratexias innovadoras e unha xestión eficiente dos recursos.

Entre estas organizacións destacan empresas como TEIMAS, que obteñen o indicador Global Company derivado do Informe Económico e de Competitividade ARDÁN 2023, ocupando o oitavo posto no ranking.

Na edición 2023 do Informe ARDÁN, TEIMAS tamén obtivo outros tres indicadores : Empresa Innovadora, Xestión de Talento e Empresa Circular.