Novas

Coñecedores da Resolución do 5 de novembro de 2012, da Secretaría Xeral de Ciencia, Tecnología e Innovación, por la que se aproba a convocatoria para a concesión da distinción “Ciudad de la Ciencia y la Innovación” correspondente ao ano 2012 (BOE nº 272 de 12/11/12) e considerando que ao longo deste ano se puxeron en marcha e se desenvolveron importantes proxectos vinculados ao impulso da ciencia, a innovación, o I+D+i, a divulgación científica, etc, temos considerado prestar o noso apoio á candidatura que presenta o Concello de A Coruña como “Ciudad de la Ciencia y de la Innovación” no convencemento de que se trata dunha distinción moi beneficiosa para o conxunto da cidade e a sua área metropolitana.

Na axenda dixital da Unión Europea debúllase a nova estratexia da Comisión Europea para «Liberar o potencial da computación en nube en Europa». A UE propón medidas para obter 2,5 millóns de novos postos de traballo en Europa, así como un incremento anual do PIB na Unión igual a 160 000 millóns de euros (ao redor dun 1 %) de aquí a 2020. A estratexia está pensada para impulsar o uso da computación en nube en toda a economía. Segundo a UE: O 80% das organizacións que adoptan este sistema logran taxas de aforro de, como mínimo, un 10 %-20%
A estratexia definida pretende actuar en varios niveis, desde aspectos normativos e de definición de estándares até a creación de marcos legais pasando por impulsar a colaboración entre estados e empresas provedoras de servizos.
Esta estratexia non fai máis que confirmar a aposta polo desenvolvemento e comercialización de solucións en réxime de Software como servizo que empresas como Teimas vemos facendo nos últimos anos. Produtos como Teixo, dispoñibles en réxime Saas son un claro exemplo de que Teimas está envorcada coa innovación desde os nosos inicios.
Pode ver a publicación da UE aquí.

O compromiso coa seguridade da información dos nosos clientes é prioritaria dende os nosos comezos, debido a que o nosos produto principal  comercializase en réxime Saas. Sendo conscientes delo dende o principio, en Teimas sempre temos traballado moi duramente no noso Sistema de xestión de seguridade da información (SXSI), culminando este ano coa obtención da certificación ISO/IEC 27001.

Os obxectivos que procurabamos acadar con este SXSI son garantir:

1. A Integridade dos datos que os nosos clientes depositan nos nosos sistemas. Isto é, evitar a perda de información e a corrección da mesma.
2. A Confidencialidade da información. O conxunto dos datos almacenados nos nosos sistemas somentes están dispoñibles para as persoas autorizadas a acceder a eles. 
3. Dispoñibilidade de acceso aos datos. É dicir, garantir que os nosos clientes poidan acceder aos seus datos cando o precisen.

Todo iste traballo viuse recompensado coa consecución da certificación por parte da prestixiosa consultora alemana TÜV Rheinland. Esa certificación confirma que o noso SXSI segue a norma ISO/IEC 27001 e por elo permite acadar eses obxetivos anteriormente indicados.

Pode descargar a certificación aquí.

A publicación do sector ambiental Infoenviro, no seu número de Maio, publicou un artigo baixo o título "Tecnologías de la Información para el sector residuos: Plataforma E3L Teixo". Neste artigo presentanse as vantaxes e aforro de costes que supón a incorporación do sistema Teixo e o emprego da linguaxe E3L ás empresas do sector residuos. Pode ler a reportaxe na web de Infoenviro aquí ou tamén pode descargar o pdf da reportaxe nesta ligazón.

Desde Teimas Desenvolvemento continuamos traballando para dar a coñecer Teixo, o noso software para a xestión de residuos que xa conta con máis de 270 usuarios rexistrados. Desta vez, presentaremos a ferramenta nas xornadas técnicas organizadas pola revista Residuos, unha das publicacións máis prestixiosas do sector. Miguel Varela, director comercial de Teimas será quen acuda a esta cita para presentar Teixo.
Baixo o título "Sistemas de mellora na reciclaxe e valorización de residuos", celebraránse estas xornadas o vindeiro 21 de maio en Madrid na sede de Reed Business Information (rúa de Albarracín 34).

En xullo do pasado ano foi publicada a nova Lei de refugallos e solos contaminados. O obxectivo principal destas xornadas é informar sobre os cambios máis importantes na lexislación e analizar, dende unha perspectiva integral que incluirá a tecnoloxía, o factor legal, económico, social e medioambiental, as diversas formas de adaptarase e afrontar estes novos retos.

A participación de Teimas nesta xuntanza pretende darlle cobertura ao aspecto tecnolóxico. Neste senso, Teixo servirá para exemplificar como se poden adaptar os procesos informáticos da xestión de refugallos a esta normativa.

Miguel Varela falará tamén da nosa web Gestores de Residuos, que funciona coma un punto de encontro especializado, incluíndo actualidade e outra información relevante para o sector. A media de visitantes únicos mensuais do portal é de aproximadamente 8.000, tendo en xeral un perfil técnico medio alto. A información complementase tamén cun boletín semanal que chega a 400 persoas, unha conta propia en Twitter que supera os 1000 seguidores e un catálogo de profesional no que xa figuran unhas 100 instalacións de reciclaxe, tratamento, almacenamento e outros eslabóns da cadea da xestión de refugallos.

O ciclo de conferencias, obradoiros e exposicións 'Primavera Ambiental' organizado pola Universidade da Coruña contará coa presencia de Miguel Varela de Teimas. A súa participación será coma relator na conferencia adicada á Xestión de Residuos que terá lugar o día 8 de Maio ás 12 da mañá no salón de actos da facultade de ciencias. Na charla estarán presentes tamén Fins Eirexas da Asociación ecoloxista ADEGA e Marcial Blanco da cooperativa de consumo responsábel Zocamiñoca.
Máis información na web do evento na UDC.

Un convenio asinado entre a Fundación da Universidade Autónoma de Madrid (FUAM) e Teimas Desenvolvemento SL permitirá aos alumnos do Máster en Xestión e Tratamento de Residuos tomar contacto de xeito práctico coas necesidades documentais, loxísticas e comerciais dunha planta produtora e xestora de residuos, así como co estándar de comunicación ambiental E3L (proxecto ETER).

Teimas porá a disposición de alumnos e docentes do Máster unha versión académica da plataforma Teixo. Mediante o uso desta ferramenta os alumnos poderán simular o comportamento das entidades participantes no ciclo da xestión de residuos: codificación de residuos perigosos e non perigosos, etiquetaxe, xeración de documentación ambiental apoiada no estándar E3L, control do almacén de residuos, execución de procesos en planta e loxística de recollidas.

O Máster entra en 2011/12 na súa décima edición consolidándose como un referente en xestión e tratamento de residuos. Proba diso son os aproximadamente 200 profesionais formados, grazas aos cales o Máster seguiu crecendo.

A dirección corre a cargo da Dra. Isabel Herráez, Profesora Titular da Universidade Autónoma de Madrid (UAM), e a Dra. Nely Carreiras, Investigadora do Centro de Investigacións Enerxéticas, Ambientais e Tecnolóxicas (CIEMAT). A oferta docente complétase con máis de 50 profesores pertencentes á UAM, CIEMAT, outros organismos públicos e profesionais do sector privado.